Шу ауданы білім бөлімінің Мұхтар Әуезов атындағы орта мектебінің 8 «ә» сынып жетекшісі Айсұлу Ихласова"Есірткі заттардың зияндығы " тақырыбында тәрбие сағатын өткізді.

Мақсаты:жасөспірімдер арасында зиянды заттардың қолдану зияндылығы туралы ақпараттандыру деңгейін өсіру, жасөспірімдер арасында СНЮС, басқа да есірткі заттарының зияндығын түсіндіру,салауатты өмір салтын насихаттау,құқық бұзушылықтың алдын алу.

Тәрбие сағаты барысында жасөспірімдер арасында өте кең таралған зиянды есірткілік заттар, вейп сигареттер мен энергетикалық сусындардың адам ағзасына тигізер зияндығы туралы ақпарат бере отырып, зиянды заттарды ерте жастан қолдану жасөспірімдердің денсаулығына орасан зор қатер туғызатындығын ескертті.

Шу ауданы білім бөлімінің Мұхтар Әуезов атындағы орта мектебінде,аудандық аурухана медбикесі Бекбай Айдана

"Нашақорлықтың зардаптары" тақырыбында дәріс өткізді.

Мақсаты: Оқушыларды құқық бұзушылық іс-әрекеттерден аулақ болуға тәрбиелеу. Жастар арасында есірткіге қатысты проблемалар жайлы ақпараттандыру деңгейін жоғарылату; психоактивтік заттарды қолдануға қарсы дағдыларды дамыту.

Дәріс барысында адам денсаулығына орасан зор зиянды өзгерістер тудыратын табиғи немесе синтетикалық заттардың адам өміріне қауіптілігі жайында айтып өтті. Есірткі құралдарына – табиғаты әр түрлі заттар тобының түрлері болып саналатын бүтіндей өсімдіктер, яғни сора, көкнәр, эфедраның ұнтақталған бөліктері кіреді. Оның ішінде сора өсімдігінен (марихуана, гашиш), көкнәрдан (апиын), заңсыз дайындалған синтетикалық есірткі құралдары (героин, амфетамин және оның туындылары) жатады. Бұларды өз бетінше, медициналық мақсаттан бөлек теріс пайдалану – нашақорлыққа соқтырады.

Нашақорлық– адамның есірткіге тәуелділігі. Бұл дерт организмнің тіршілік етуі үзілмей, оны белгілі дәрежеде ұстап тұрып есірткіні үнемі тұтынуға және дене мен жүйке қызметінің әбден әлсіреуіне алып келеді. #bilimim_otanyma

Шу ауданы білім бөлімінң Мұхтар Әуезов атындағы орта мектебінде «Дене шынықтыру,АӘТД және көркем-эстетикалық» пәндер бірлестігінің айлығының жоспарына сәйкес«Спорт - денсаулық кепілі» атты кіші футболдан жарыс өткізілді.

Мақсаты:жасөспірімдердің назарын белсенді өмір сүруге аудару, денсаулықтарына жауапкершілікпен қарауды насихаттау, түрлі зиянды тағамдарды қолданбауға, зорлық-зомбылықтың алдын алуға және салауатты өмір-салтын ұстануға шақыру.

Ойын нәтижесі бойынша 1-орынды 7сынып, 2-орыны 6сынып, 3-орынды 8-9сынып ұлдары иеленді. Сонымен бірге жақсы ойын көрсеткен ойыншылар, үздік ойыншы, үздік қақпашы, үздік қорғаушы, үздік шабуылшы дипломдарымен марапатталды.

Шу ауданы білім бөлімінің Мұхтар Әуезов атындағы орта мектебінде «Дене шынықтыру,АӘТД және көркем-эстетикалық» пәндер бірлестігі айлығының жоспарына сәйкес,6-7 сынып оқушылары арасында «Денсаулық-байлықтан қымбат» атты волейболдан мектепішілік жарыс  өткізілді.

Мақсаты: оқушылар арасында волейбол ойынын насихаттау, аталған спорт түрімен жүйелі түрде айналысуларына жол ашу, ойыншылардың деңгейін анықтау, аудандық жарыстарға мектеп құрама командасын жасақтау және мектеп оқушылары арасында салауатты өмір салтын насихаттау, бұқаралық спортты дамыту.

Тартысты бәсекеде  командалар бар шеберліктерін көрсете білді. Жарыс нәтижесінде 1-орын 6 сынып ұлдар , 2-орын 7 «а» сынып ұлдар, 3-орын 7 «ә» ,6 сыныптың қыздар командалары иеленді