Шу ауданы білім бөлімінің Мұхтар Әуезов атындағы орта мектебінде, Шу ауданы әкімдігінің "Жастар ресурстық орталығы" КММ-нің жастарға қызмет көрсету және жастар бастамаларын қолдау бөлімінің заңгері Орынтаев Нұркен "Лудоманияның алдын алу" тақырыбында 11 сынып оқушыларымен кездесу өткізді. Мақсаты:жастар мен жасөспірімдер арасындағы тәуелділік, ойынқұмарлық, буллинг, кибербуллингтің алдын алу және жастардың адам тәрбиесі мен қоғам тәрбиесіне байланысты көзқарасын дұрыс қалыптастыра отырып, болашақта ұрпақ қамын, ұлт тағдырын ойлайтын қоғамның мүшесін тәрбиелеу. Жас ұрпаққа лудомания жайлы қысқаша ақпарат беру.

Кездесу барысында оқушыларға аталған тақырып бойынша ой салып, интернет жүйесі арқылы ойнатылатын құмар ойындарды ойнаудың қорытынды нәтижелері, оның зиянды жақтары және ондай жағдайдан шығу жолдары туралы айтылды.Әрбір бала өз-өздеріне сенімділік жоғалған жағдайда кімдердің көмегіне жүгіну керектігі туралы түсіндірме жұмыстарын жүргізді. Оқушылар кездесуге белсенді қатысып, өз ой-пікірлерімен бөлісіп отырды.