Шу ауданы білім бөлімінің Мұхтар Әуезов атындағы орта мектебінде Шу ауданы әкімдігінің ішкі саясат бөлімінің “Жастар ресурстық орталығы” КММ- нің жастарға қызмет көрсету және жастар бастамаларын қолдау бөлімінің психологы Нұрланқұл Мияткүл және Жамбыл облыстық тұрмыстық зорлық- зомбылық құрбандарына әлеуметтік көмек көрсету орталығының Шу аудандық кеңес беру кабинетінің әлеуметтік кеңесшісі Мұратбек Гулбану және психолог маманы Гүлшат Мұратханова “Зорлық-зомбылықсыз өмір” тақырыбында кездесу өткізді. Мақсаты: жасөспірімдер арасындағы қылмысты ескерту және оның алдын алу, оның ішінде білім беру ұйымдарының оқушылары арасындағы құқық бұзушылықтардың жолын кесу, кәмелетке толмағандардың құқықтарын қорғау саласындағы әкімшілік құқық бұзушылықтарды анықтау, олардың құқықтық сауаттылығын арттыру, сондай-ақ балаларға қатысты қылмыстық қол сұғушылықтардың алдын алу.

Кездесу барысында жасөспірімдер арасында тұрмыстық зорлық-зомбылықтың алдын алу және отбасында кездесетін оқыс жағдайларды болдырмау жолдары айтылды.

Осы іс шара аясында 9-11 сынып оқушылары арасында құқық бұзушылықтардың алдын алу, кәмелетке толмағандардың құқықтарын қорғау, бопсалау іс-әрекеттерін анықтау мақсатында анонимдік сауалнама алынды.